Andrés Ellert

2003-08-03T15:42:00.000Z

Jæja þá ættu íslensku stafirnir að vera komnir inn.

2003-07-26T15:07:00.000Z

Þa kemur tetta með islensku stafina i tokkabot-tetta aetlar engan endi að taka.

2003-07-26T15:05:00.000Z

Jæja þá er maður loksins kominn af stað aftur. Það er búið að vera brjálað að gera frá því í mái. Mér fæddust tvíburar 25.06 og allt snerist um að koma hlutunum í stand (hálf klárað hús). En þann 27.06 gerðust voðalegir atburðir, ég var nýbúinn nokkrum dögum áður glotta yfir lýsingum Stefáns er tölvan hans hrundi og þá fór mín. Harði diskurinn fór algjörlega, það var ekki hægt að bjarga einum staf. Tilfinningin er hrikaleg, engir tenglar, engar adressur, vantar forrit, og þurfa að byrja að setja upp allt á ný, stillingar á póstforritunum reyndust mér ákaflega erfiðar. En nú er þetta að skríða saman og vonandi bjart framundan. Ég kemst ekki inn á WebCt. Það var allt lokað um daginn og síðan ganga ekki password og lykilorð (vomamdo er ég að gera þetta rétt). Þannig að ef einhver miskunsamur snillingur les þetta fljótlega (mjög fljótlega) þá væru allar upplýsingar vel þegnar.

2003-05-28T15:03:00.000Z

Ég er búinn að vera haldinn gríðarlegri ritstíflu. Mér finnst það harla einkennilegt að verkefnaskil í framhaldsnámi + það að byrja nýjan kúrs skuli gerast á mesta annatíma kennara. Það verður mjög tæpt hjá mér að það muni takast, en vér munum berjast til síðasta blóðdropa og reyna að ná settu marki.

2003-05-28T15:01:00.000Z

Það er nú eitthvað gruggut hér á seiði. Sumar innlagnir hafa ekki komið fram. það voru gríðarlegir gullmolar sem ég ætlaði að leyfa ykkur að lesa. Svona er þetta stundum það besta týnist.

2003-04-15T21:30:00.000Z

Núna er maður byrjaður að spá í þetta lokaverkefni. Ég ætlaði að gera einhvers konar vefleiðangur um Norðurlönd (höfuðborgir osfrv) en ég er að hugsa um að hætta við það. Núna langar mig að gera einhvers konar sambland af lífsleikni og landafræði/samfélagsfræði. Ég ætla að láta nemendur ferðast innanlands og heimsækja alla veganna 3 kaupstaði og skoða einhverjar náttúruperlur og sögustaði. Þau þurfa að afla sér upplýsinga um hvernig er best og ódýrast að komast þangað (keyra, flug, bíll) hvernig er best að gista (hótel, farfuglaheimili, tjalda), þau þurfa vefsíðu til að vafra um á og fá nauðsynlegustu upplýsingar en einnig þurfa þau að hringja hingað og þanngað og notast við aðrar síður. Skilin verða í formi dagbókar/ferðasögu í bloggi, og vefsíðu með einhverjum myndum og frásögn, þessa þætti kynna þau í ræðu og riti. Svona lítur alla veganna grunnhugmyndin út.

2003-04-13T22:09:00.000Z

Jæja þá ættu fleiri tenglar að fara að birtast.

2003-04-13T15:00:00.000Z

Uppfærslan hefur ekki tekist. Ég þarf eitthvað að endurskoða þekkingu mína á þessu html máli.

2003-04-12T11:57:00.000Z

Þetta ætlar ekki að takast almennilega.

2003-04-11T23:48:00.000Z

Hvenær kemur uppfærslan.

2003-04-11T21:10:00.000Z

Núna ætla ég að manna mig upp í að taka þennan ógeðslega brúnalit/borða út á síðunni og setja eitthvað sniðugt í staðinn.

2003-04-11T21:08:00.000Z

Jæja þá er þessari staðbundnu lotu lokið. Svakalega leist mér vel á þetta Contribute forrit, þetta er hreinasta snilld. Eins var kynnningin á Producer góð, sniðugt forrit. Ég kem til með að nota það í þjálfuninni hjá mér, það býður upp á svo marga möguleika á þeim vettvangi. Gaman væri ef hægt væri að notast við það í kennslu, en þegar nemendur hafa ekki aðgang að tölvum nema í sérstökum tölvutímum sem snúast um fingrasetningar þá er ekki bjart framundan.

2003-04-10T01:40:00.000Z

Þetta getur nú verið snúið.

2003-04-10T00:30:00.000Z

Þetta hlýtur að hafast.

2003-04-10T00:19:00.000Z

Þetta gengur bara vel. Ég hélt að þetta html mál væri eitthvað svakalega erfitt.

2003-04-10T00:05:00.000Z

Jæja nú hefur maður ekkert bloggað í langan tíma. Það liggur við að maður bara sakni þess. Ég var lagstur í krónískt þunglyndi yfir þessari síðu, það gengur ekkert að bæta inn tenglum fyrir verkefni, þeir bara hreinlega koma ekki fram. Síðan dettur út öðru hvoru og birtist svo með einhverju andsk... rugli, ég hef ekki haft kjark til þess að fara inn og taka þarna til, en núna verður það gert. Þannig að ef svo vill til að síðan detti út þá hef ég hreinsað of mikið til.

2003-03-31T00:15:00.000Z

Ég skil nú ekki hvað er í gangi. Ég set inn tengla endalaust og þeir birtast aldrei. Er síðan uppfærð eitthvað happaglappa eða hvað. Svo kannast ég ekki við eitthvert bull sem birtist öðru hvoru á síðunni hjá mér.

2003-03-24T13:05:00.000Z

Veit einhver hvernig maður setur krækju í heimasíðuna sína á nkn3-síðuna. Mig vantar aðgangsorðin.

2003-03-20T02:37:00.000Z

Jæja nú steinliggur maður í flensu. En þá er tími til að vinna heimavinnuna sína sem maður hefur nú aðeins veriða að svindla á. Verkefnin eru að tínast inn eitt og eitt, það er verið að vinna í þeim jafnóðum og maður skiptir yfir á fréttir til að fylgjast með hvort stríðið sé byrjað, eins og um góða (eða slæma bíómynd væri að ræða). Hún er skrítn þessi tækni í öllu sínu veldi. Maður þykist góður í að geta sett upp einhverja vefsíður á meðan einhverjir kallar út í heimi geta sprengt upp hnöttinn.

2003-03-18T01:17:00.000Z

Loksins er ég búinn að fatta þetta. Maður vinnur baki brotnu við að breyta þessum uppsetningum og ekkert gerist, en þá uppfæra þeir síðuna á einhverjum ákveðnum tíma eða tímabilum. Þetta vissi ég ekki og hélt ég væri að gera tóma þvælu.

2003-03-17T21:01:00.000Z

Djö.... tenglarnir eru að detta út. Þolinmæði og aftur þolinmæði er það sem maður hefur lært af þessu. En vonandi kemst þetta til skila í lokin.

2003-03-16T22:17:00.000Z

Það ætlar að ganga erfiðlega að koma af sér verkefnum. Á meðan einn hlutur virkar þá dettur annar út. Annað hvort er tæknin eitthvað að stríða mér eða þá að tækniþekking mín er ekki nógu mikil. Ég held nú samt að ég eigi nú að ráða við þetta-það kemur í ljós.

2003-03-08T09:29:00.000Z

Það var agalegt að missa af UT-ráðstefnunni fyrir norðan, en vegna veikinda komst ég ekki. Eftir situr maður eins og villuráfandi sauður og veit ekki í hvaða átt maður á að fara. Núna er ég að leggja lokahönd á verkefnasíðuna sem mér hefur gengið erfiðlega með að setja upp og tengja, en þetta tekst allt að lokum. Veit einhver e-mailið hjá Láru.

2003-03-01T21:00:00.000Z

Er ekki einhver sem getur gefið mér upplýsingar um hvernig maður setur inn svona ,,comment" box. Ég veit ekki hversu oft ég er búinn að reyna að setja það inn en ekkert gengur. Mér finnst nauðsynlegt að hafa eða fá eitthvert feedback á þá hluti sem maður er að skrifa um og velta fyrir sér. Þetta tjáningarform finnst mér einhvern veginn vera svo svakalega einmanalegt. Is anybody out there?

2003-02-17T00:57:00.000Z

Jæja loksins heldur maður áfram. Veikindi og brjáluð próftörn og allt sem því fylgir er búið að draga úr manni allan kraft. Þetta blogg er líka hálf skrítið finnst mér. Er einhver sem les þetta, er maður bara einn að tala út í vindinn, ég þyrfti að setja upp svona ,,comment" dót. Þá myndi maður kannski fá einhverja svörun. En kannski á þetta að vera svona, ég velti því þó alltaf fyrir mér hvort ég sé að skrifa fyrir mig eða einhvern annan.

2003-02-01T20:41:00.000Z

Vefrallý
Mínar vangaveltur um vefrallý snúast um Islandsvefinn. Þar er margur fróðleikurinn og margt skemmtilegt efni í boði sem gefur mikla möguleika á samþættingu á milli námsgreina. Íslandsvefurinn tekur á byggðarlögum, fólksfjölda, landslagi (náttúruperlum), fjöllum og vötnum, atburðum og lífríki og mörgu fleira. Þessi vefur nýtist í raun öllum árgöngum og er hægt að búa til mis erfið verkefni fyrir hvern árgang fyrir sig. Þegar vefrallýið verður tilbúið verður það sett inn á heimasíðu mína.

2003-01-31T22:03:00.000Z

Jæja þá er Heimasíðan loksins komin í gagnið. Eftir mikinn barning og misvísandi tilsagnir tókst þetta þrekvirki. Það er með ólíkindum hvað er hægt að gera einfaldan hlut flókinn í þessum forritum.

2003-01-26T02:25:00.000Z

blogger.com

2003-01-26T00:59:00.000Z

Ég heiti Andrés Ellert Ólafsson, fæddur 04.10, 1963. Reykvíkingur í húð og hár og er stoltur af því. Menntaskólaárunum eyddi ég í góðu yfirlæti í Kvennaskólanum í Reykjavík, þaðan lá leiðin í Tækniháskólann þar sem ég dvaldi í tvö ár. Undarlegt en satt þá fékk ég síðan áhuga á kennslu og dreif mig í nám. Ég útskrifaðist frá Kennaraháskólanum árið 2001 og kenni við Varmárskóla í Mosó og kenni þar hinar ýmsu greinar. Helstu áhugamál eru knattspyrna og aftur knattspyrna, ég starfa við þjálfun (í knattspyrnu að sjálfsögðu) hjá UMF Fjölni í Grafarvogi. Núna er það tölvutæknin sem á hug minn allan og mest af mínum tíma í augnablikinu fer í það að reyna að láta þessa blessuðu mynd birtast á blogginu mínu.

2003-01-26T00:38:00.000Z

Glæsilegt.

2003-01-26T00:33:00.000Z

Jæja nú sit ég við tölvuna og reyni að koma blogginu í rétt lag. Við skulum sjá hvað gerist.

2003-01-15T14:42:00.000Z

Þetta virðist ekki ætla að ganga almennilega. Svona er tæknin.

2003-01-15T14:31:00.000Z

Nú sit ég í tíma í nkn og er að læra að blogga.